13-vjeçarja largohet nga shtëpia dhe denoncon të atin 2 ditë më pas: Nuk kërkoi për mua

Një “zhdukje e çuditshme” e një të miture nga Bullgaria po hetohet nga autoritetet policore në Kretë.

Bëhet fjalë për një vajzë 13-vjeçare, e cila është larguar nga shtëpia ku jetonte me prindërit më 29 janar. Më pas, dy ditë më pas është paraqitur në polici duke denoncuar të atin se nuk e ka kërkuar.

Dje ajo ka shkuar në Komisariatin e Policisë Heraklion dhe ka pohuar se nuk ka ku të shkojë pasi nuk dëshiron të kthehet në shtëpi. Tani ajo është vendosur përkohësisht në Klinikën e Pediatrisë në Venizeliou.

Babai i saj është arrestuar nga policia që po heton rastin për neglizhencë të mbikëqyrjes së një të mituri dhe pritet të vihet para drejtësisë. /vizionplus.tv