23 avionë kinezë fluturojnë rreth Tajvanit në më pak se tre orë

Ministria e Mbrojtjes e Tajvanit njoftoi sot se 23 avionë kinezë u panë rreth ishullit në më pak se tre orë.

“Ne zbuluam gjithsej 23 avionë, 16 prej të cilëve kaluan vijën mesatare të demarkacionit në ngushticën e Tajvanit”, tha ministria e mbrojtjes.

Siç shtohet, mes avionëve të vëzhguar ka avionë luftarakë, avionë transportues dhe drone.

Kina ka kryer bastisje të ngjashme disa herë që nga inaugurimi i presidentit të ri të Tajvanit më 20 maj.

Kina pretendon ishullin e Tajvanit si territorin e saj dhe ka thënë se është gati ta rimarrë atë me forcë nëse është e nevojshme. /vizionplus.tv