35 milionë euro kokainë mes karkalecave nga Ekuadori në Itali, arrestohet shqiptari
Nga frutat ekzotike si bananet të cilat janë tashmë në lupën e autoriteteve, trafikantët e drogës po tentojnë mënyra të tjera kalimi të lëndës narkotike. Sasia më e fundit e kokainës e kapur në portin e Livornos në Itali, ishte fshehur në një kontenier me karkaleca deti të ngrira të nisur nga Ekuadori, me destinacion […]
Nga frutat ekzotike si bananet të cilat janë tashmë në lupën e autoriteteve, trafikantët e drogës po tentojnë mënyra të tjera kalimi të lëndës narkotike.
Vlera e 50 kilogramëve kokainë të pastër llogaritet të mbërrinte në 35 milionë euro. Korrieri i saj, sipas mediave italiane, ishte një murator shqiptar 23 vjeçar, Islam Kurti.
Ai është ndaluar nga policia në momentin që sapo kishte marrë drogën dhe po ndizte makinën, në përpjekje për t’u kthyer në provincën e Pizës.
I riu nuk ka bërë rezistencë e ndaj operacionit nuk pati të lënduar. Mendohet se ai kishte rënë dakord që të merrte drogën, për t’u paguar më pas një mijë euro për kilogram. Por deri në përfundimin e detyrës së tij, nuk do të merrte asgjë.
Kokaina ishte e paketuar në 45 pako celofani me simbol “Audi” dhe “RS 6”, një gjuhë e koduar kjo sipas shtypit Italian, për të treguar se cilat janë pakot që duhen marrë.
/f.stafa
What's Your Reaction?
