Orban dhe Rutte gjejnë “gjuhën” e përbashkët, Hungaria e mbështet kandidaturën për udhëheqjen e NATO-s

Kryeministri i Hungarisë, Viktor Orban , i cili më herët kundërshtoi emërimin e kryeministrit holandez Mark Rutte në drejtimin e NATO-s, më në fund vendosi të mbështesë këtë vendim.

Rutte konfirmoi se nëse ai bëhet Sekretar i Përgjithshëm i NATO-s, Hungaria nuk do të jetë e detyruar të marrë pjesë në aktivitetet e NATO-s në Ukrainë dhe duke pasur parasysh këtë angazhim, Hungaria është e gatshme ta mbështesë.

Rutte dhe Orban, të cilët janë përplasur disa herë në të kaluarën, u takuan në margjinat e darkës së liderëve të BE-së në Bruksel, duke rritur pritshmëritë se së shpejti mund të hiqet kundërshtimi i Budapestit që kryeministri holandez të marrë postin e sekretarit të përgjithshëm, diçka që kërkon mbështetje unanime nga shtetet anëtare.

Following the recent European elections, where Hungarians voted in huge numbers in favour of #peace, we reached an important agreement with #NATO Secretary General @jensstoltenberg . We agreed that no Hungarian personnel will take part in the activities of NATO in Ukraine and no… pic.twitter.com/Cliu4rZGCE

— Orbán Viktor (@PM_ViktorOrban) June 18, 2024

Një zëdhënës i Rutte tha se të dy patën një “bisedë të mirë” dhe kryesisht folën për rezultatet e një takimi midis Jens Stoltenberg dhe kryeministrit hungarez.