“Humorin s’e shkruajnë dot femrat, është punë për të mençurit”, Kapexhiu s’pendohet për deklaratën: Ka njerëz që…

“Këtu e kam absolute, vetëm mund të jetë ndonjë përjashtim i jashtëzakonshëm në botë, femër që shkruan humor, nuk ka, sepse humori është privilegj i të mençurve”.

Ishte kjo deklarata e Bujar Kapexhiut, e cila shkaktoi bujë mediatike disa ditë më parë, teksa gjatë një interviste u shpreh se humori është privilegj i të mençurve.

Ai ka reaguar pas deklaratës që shkaktoi polemika të shumta, teksa u shpreh se humori përfshihet tek zhanret më të vështira.

“Problemi është që thonë se Bujari merret me këtë e me atë, dhe unë në të vërtetë i kam eleminuar të gjitha këto thënie.

Unë e quaj veten që merrem më një gjë, jam në fushën e humorit dhe satirës, që normalisht janë në zhanera të ndryshëm, që ndihmojnë njëra-tjetrën për t’u vlerësuar aq sa janë për t’u vlerësuar.

Kur them që humori është një nga zhanerat më të vështira sot e që moti  e kështu do të vazhdojë të jetë sepse në jetën e përditshme, që është një jetë serioze, copëza të vogla janë humoristike, të cilat duhet të dish t’i kapësh t’u gjesh këndin e vështrimit duke i vendosur ata në interes të shoqërisë në interes të progresit.

Ka njerëz që tregojnë barsaletat dhe i tregojnë bukur, por ka dhe njerëz që dëgjojnë bukur, ka dhe njerëz që qeshin bukur e zakonisht intelektualët i kanë të treja bashkë”, tha ai, por pa kërkuar falje për deklaratën fyese ndaj femrave.

/a.r