BE dhe Ukraina do të nënshkruajnë marrëveshje dypalëshe të sigurisë

Bashkimi Evropian synon të nënshkruajë një marrëveshje sigurie me Ukrainën gjatë samitit të liderëve të BE-së në Bruksel.

Dokumenti do të përshkruajë ndihmën afatgjatë ushtarake, financiare dhe politike për Ukrainën që do të qëndrojë në fuqi derisa Ukraina të bëhet anëtare e NATO-s.

Pasi 17 vende nënshkruan traktate të ngjashme dypalëshe me Ukrainën, BE kaloi muaj të tërë duke negociuar marrëveshjen e vet.

Pjesa e parë e marrëveshjes së sigurisë besohet se përfshin çështje që lidhen me sigurimin afatgjatë të pajisjeve ushtarake dhe trajnimit, si dhe rrugët për bashkëpunim midis industrive të mbrojtjes të BE-së dhe Ukrainës.

Seksioni i dytë ka të ngjarë të fokusohet në rindërtimin e Ukrainës të pasluftës, si dhe në zbatimin e një sistemi për të bërë Rusinë përgjegjëse për krimet e luftës.

Presidenti Zelensky ka marrë mbështetje nga shumë vende në mbarë botën. Marrëveshja e sotme e sigurisë dhe fillimi i bisedimeve të pranimit në BE nxjerrin në pah lidhjet në rritje të Ukrainës me BE.

Ndërsa Brukseli zotohet të vazhdojë furnizimin me armë vdekjeprurëse për Kievin, Rusia do të vazhdojë të kërkojë partnerë të rinj në Azi, siç tregohet nga pakti i saj me Korenë e Veriut javën e kaluar./vizionplus.tv