Kryeministri polak: Jemi në prag të nënshkrimit të një marrëveshjeje sigurie me Ukrainën

Polonia është pothuajse e sigurt se do të nënshkruajë një marrëveshje dypalëshe sigurie me Ukrainën përpara samitit të NATO-s në korrik në Uashington, tha të premten kryeministri i Polonisë.

Të enjten, kryeministri Donald Tusk tha se përpara samitit të NATO-s në Uashington, i cili fillon më 9 korrik, do të zhvillohen bisedime në Varshavë me presidentin e Ukrainës.

“Më duhet, së bashku me ministrin e Mbrojtjes, të përcaktojmë se si do të vazhdojmë të ndihmojmë Ukrainën, por ne nuk mund të dobësojmë aftësitë mbrojtëse të Polonisë”, u tha Tusk gazetarëve. “Ka një shans 99% që ne të nënshkruajmë marrëveshjen me Presidentin Zelensky (përpara samitit),” vuri në dukje ai.

Tusk tha gjithashtu se marrëveshja është praktikisht e përfunduar dhe se vetëm disa detaje dhe formalitete duhet të sqarohen.

Bashkimi Evropian dhe dy nga vendet anëtare të tij, Lituania dhe Estonia, nënshkruan marrëveshje sigurie me presidentin ukrainas Volodymyr Zelensky në një samit në Bruksel të enjten./vizionplus.tv/