Aeroporti turk refuzon të furnizojë me karburant avionin izraelit

Sipas mediave izraelite, zyrtarët turq dyshohet se refuzuan të linin një avion izraelit të furnizohej me karburant, pasi bëri një ulje emergjente në Antalia. Avioni po fluturonte direkt nga Varshava për në Tel Aviv kur linja ajrore tha se avioni duhej të ulej në aeroportin ndërkombëtar të Antalias të Turqisë, pasi një pasagjer u sëmur.

Megjithëse ekuipazhi i fluturimit mori lejen për të zbritur dhe për t’u furnizuar me karburant, zyrtarët turq më pas vonuan vendimin, duke pretenduar se kërkohej leje për të furnizuar avionin. Pas pritjes, ekuipazhi u informua se nuk do të lejohej, duke e detyruar të fluturonte në aeroportin e Rodosit të Greqisë.

Të gjitha fluturimet direkte midis Turqisë dhe Izraelit janë anuluar që nga fillimi i luftës Izrael-Hamas, pas sulmit terrorist të 7 tetorit. Turqia njoftoi në maj se të gjitha eksportet dhe importet nga Izraeli do të ndaleshin pas avancimit të Forcave të Mbrojtjes të Izraelit në Rafah.

/a.r