E pabesueshme, por ky qytet gjerman ndryshon emrin në nder të Taylor Swift

Taylor Swift sapo u nderua nga një vend në Gjermani.

Përpara shfaqjeve të saj të “Eras Tour” në qytetin e Gelsenkirchen, emri i vendit po ndryshohet përkohësisht në “versionin e Taylor”.

Kryetarja e bashkisë së qytetit të Gjermanisë perëndimore, Gelsenkirchen, Karin Welge, miratoi ndryshimin e përkohshëm të riemërtimit të qytetit “Swiftkirchen” nga 17 korriku deri më 19 korrik.

Sipas versionit të përkthyer të faqes së internetit të qytetit, ndryshimi u sugjerua nga një Swiftie me emrin, Aleshanee Westhoff.

“Është një ide e shkëlqyer që të riemërtoni përkohësisht Gelsenkirchen në ‘Swiftkirchen’,” shkroi kryebashkiakia Welge në një letër përgjigjeje drejtuar Westhoff.

Qyteti do të vendosë shumë më tepër tabela në vendet shumë të frekuentuara në Gelsenkirchen në ditët në vijim, gjë që u konfirmua nga kreu i departamentit të marrëdhënieve me publikun në Gelsenkirchen, Markus Schwardtmann.

“Si kryebashkiake, sigurisht që jam shumë e lumtur që Taylor Swift, aktualisht këngëtarja më e suksesshme në botë, do të performojë tre herë në Gelsenkirchen”, thuhet në deklaratën e Welge në faqen e internetit.

Prandaj, vëmendja ndërkombëtare do të kthehet në qytetin tonë, shtoi ajo.