Sherr në lokal, 40-vjeçari plagos tre persona në Fierzë

Tre persona kan mbetur të lënduar ditën e sotme pas një konflikti për motive të dobëta me një 40-vjeçar.

Ngjarja ka ndodhur rreth orës 17:05 në një lokal në fshatin Rajë, Fierzë.

Policia njofton se shtetasi S. S., 40 vjeç, banues në fshatin Dushaj, Tropojë, pas një konflikti për motive të dobëta, ka goditur me mjete të forta dhe të mprehtë shtetasit Sh. K., A. P., dhe V. P., të cilët ndodhen në spital, në kujdesin e mjekëve.

Në drejtim të Tropojës janë nisur forcat operacionale të DVP Kukës dhe specialistët e Hetimit të Krimeve, për zbardhjen e ngjarjes dhe kapjen e autorit.

Ndërkohë, grupi hetimor vijon punën për zbardhjen dhe dokumentimin e plotë ligjor të këtij rasti, dhe shoqërimin e personave të tjerë të përfshirë në këtë ngjarje./vizionplus.tv