FOTO/ Trump pret kryeministrin Orban në Florida pas samitit të NATO-s: Diskutuam mënyrat për të bërë paqe

Kryeministri hungarez Viktor Orbán u takua me ish-presidentin e SHBA Donald Trump në Florida të enjten pas takimit të Organizatës së Traktatit të Atlantikut të Veriut në Uashington.

Takimi vjen pas vizitave të Orban në Kiev, Moskë dhe Pekin, për të gjetur një mënyrë për të zgjidhur konfliktin në Ukrainë.

“Ne diskutuam mënyrat për të bërë paqe,” tha Orban përmes platformës X, krahas një fotoje me Donald Trump.

Takimi i tyre u zhvillua në rezidencën e zotit Trump në Mar-a-Lago. “Lajmi i mirë i ditës: ai do ta zgjidhë !”, shtoi kryeministri hungarez, pa dhënë detaje të tjera për atë që kanë biseduar.

Dy politikanët, të cilët janë takuar vazhdimisht, shprehin shpesh admirim për njëri-tjetrin.

Në fund të fundit, motoja e presidencës gjashtëmujore hungareze të BE-së është “Ta bëjmë Evropën përsëri të madhe”, frymëzuar nga “Ta bëjmë Amerikën përsëri të madhe” të zotit Trump.

Takimi i tyre më i fundit ishte në mars, kur kryeministri hungarez e quajti Trump një “president të paqes” dhe ish-presidenti republikan e quajti zotin Orban një “lider fantastik”.

Hija e zotit Trump ishte shumë e dukshme në samitin e NATO-s dhe takimi i tij me Orban është regjistruar në sfondin e pasigurisë nëse Joe Biden do të jetë vërtet kandidati i demokratëve në zgjedhjet e nëntorit, kur ai synon të fitojë mandatin e dytë.

Presidenti demokrat bëri gafa spektakolare në samit, duke ngatërruar “Presidentin Putin” me  presidentin ukrainas Volodymyr Zelensky, përpara se të nxitonte të korrigjonte.

Më pas, në konferencën për shtyp që dha disa orë më vonë, ai filloi të fliste për “zëvendëspresidentin Trump”, ndërsa mesa duket i referohej Kamala Harris.

“Punë e shkëlqyer, Joe”, tha Donald Trump përmes Truth Social.

TM LIVE | #TruthMedia

❯ #BREAKING | Hungary’s Orban visits Trump at Mar-a-Lago following #NATO summit

Viktor Orbán travelled to Florida on Thursday night to meet with #Trump at Mar-a-Lago, just weeks after the Hungarian prime minister met Russia’s Vladimir Putin. https://t.co/6NCCQ7MRsz

— Truth Media (@TruthMediaUS) July 12, 2024

/vizionplus.tv