Fitoi betejën ligjore, vjen reagimi nga Trump: Duhet të hidhen poshtë të gjitha akuzat

Ish-presidenti Donald Trump ka reaguar pas vendimit për shkarkimin e çështjes së tij të dokumenteve të klasifikuara, ku shprehet se ky duhet të jetë vetëm hapi i parë dhe se të gjitha akuzat që rëndojnë mbi të duhetë të hidhen poshtë.

“Ndërsa unë eci përpara në Uniting Our Nation pas ngjarjeve të tmerrshme të së shtunës, kjo heqje e aktakuzës së paligjshme në Florida duhet të jetë vetëm hapi i parë, i ndjekur shpejt nga shkarkimi i të gjitha Gjuetive të Shtrigave”, ka shkruar Trump në rrjetin e tij Truth Social.

Trump tha se të gjitha akuzat kundër tij janë sulme politike.

 “Departamenti Demokratik i Drejtësisë i koordinoi të gjitha këto sulme politike, të cilat janë një komplot për ndërhyrje në zgjedhje kundër kundërshtarit politik të Joe Biden, unë. Le të bashkohemi për t’i dhënë fund të gjithë armatimit të sistemit tonë të drejtësisë dhe për ta bërë Amerikën përsëri të madhe!” postoi Trump.

Nga ana tjetër, prezantuesi i Fox News, Bret Baier, zbuloi bisedën telefonike me Trump pas vendimit të gjyqtares.

 “Jam i emocionuar që një gjyqtar kishte guximin dhe mençurinë për ta bërë këtë. Kjo ka implikime të mëdha, jo vetëm për këtë rast, por edhe për raste të tjera. Këshilltari special punoi me të gjithë në përpjekje për të më rrëzuar. Kjo është një punë e madhe, e madhe. Kjo vetëm e bën këtë konventë më pozitive. Kjo do të jetë një javë e mrekullueshme”, tregon prezantuesi se ka thënë ish-presidenti pas vendimit./vizionplus.tv