45-vjeçarja i jep fund jetës, të afërmit: Nuk i pa dy fëmijët e saj për 15 vite, ish-burri nuk e lejonte. E treti malli për djemtë

Një 45 vjeçare i ka dhënë fund jetës duke pirë fostosksinë në fshatin Cukalat të bashkisë Dimal.

Të tronditur familja dhe të afërmit shprehen se e ndjera ishte një nënë bashkshorte shumë e mirë.

15 vite më parë ajo ishte divorcuar ndërsa nga kjo martesë kishte dy djem që ish bashkshorti dhe ish vjehrra nuk e lanë kurrë që t’i shikonte, raporton shqiptarja.com.

Martesa e saj e dytë sipas të afërmeve po shkonte mirë por malli për fëmijët po i shtohej çdo ditë dhe më shumë.

Dëshira për të takuar fëmijët sidomos për festat e fundvitit shtohej edhe më shumë por ajo nuk ishte lejuar kurrë që t’u ndjente aromën.

“Malli për fëmijët e detyruan ti jepte fund jetës”, kështu është shprehur fqinja njëkohësisht edhe një nga shoqet e saj me të cilën fliste shpesh./m.j