SHBA\ Presidenti Biden rezulton pozitiv me Covid-19

TIRANË, 18 korrik /ATSH/- Presidenti amerikan Joe Biden ka rezultuar pozitiv me Covid-19 ndërsa ishte në Las Vegas për një sërë ngjarjesh, tha Shtëpia e Bardhë, sipas NBC News.

Në një deklaratë, sekretarja e shtypit e Shtëpisë së Bardhë, Karine Jean-Pierre, tha se Biden kishte dalë pozitiv “pas ngjarjes së tij të parë në Las Vegas”.

“Ai është i vaksinuar dhe po përjeton simptoma të lehta”, tha Jean-Pierre.

“Ai do të kthehet në Delaware ku do të izolohet dhe do të vazhdojë të kryejë plotësisht të gjitha detyrat e tij gjatë asaj kohe. Shtëpia e Bardhë do të sigurojë përditësime të rregullta mbi shëndetin e presidentit Biden – ndërsa ai vazhdon të kryejë detyrat e tij dhe ndodhet në izolim”, sipas deklaratës.

Biden kishte planifikuar të shkonte në Delaware pas udhëtimit të tij në Las Vegas.

“Biden iu nënshtrua testit pasi ai përjetoi disa simptoma në frymëmarrje”, tha mjeku i tij, Dr. Kevin O’Connor në një deklaratë të lëshuar nga Shtëpia e Bardhë.

Mjeku tha se ai ka marrë tashmë dozën e tij të parë të Paxlovid, një ilaç që lidhet me reduktimin e mundësisë së shtrimit në spital ose vdekjes.

“Biden nuk ka temperaturë dhe ritmi i tij i frymëmarrjes është normal”, sipas mjekut. ATSH