Kërkesë e lartë për kredi nga bizneset e mëdha/ Vrojtimi i BSH: Bankat miratuan më tepër hua në tremujorin e dytë të këtij viti
Bizneset kanë kërkuar më tepër kredi në tremujorin e dytë të këtij viti. Nga të dhënat e Bankës së Shqipërisë rezulton një rritje e kërkesës për kredi veçanërisht nga bizneset e mëdha dhe kryesisht në huatë për mbulimin e nevojave afatshkurtra për likuiditet. Po çfarë ka ndikuar në rritjen e kërkesës për kredi? Kjo rritje […]
![Kërkesë e lartë për kredi nga bizneset e mëdha/ Vrojtimi i BSH: Bankat miratuan më tepër hua në tremujorin e dytë të këtij viti](https://javanews.al/wp-content/uploads/2024/06/mikrokredite.jpg)
Bizneset kanë kërkuar më tepër kredi në tremujorin e dytë të këtij viti. Nga të dhënat e Bankës së Shqipërisë rezulton një rritje e kërkesës për kredi veçanërisht nga bizneset e mëdha dhe kryesisht në huatë për mbulimin e nevojave afatshkurtra për likuiditet.
Po çfarë ka ndikuar në rritjen e kërkesës për kredi?
Kjo rritje e kërkesës u mbështet nga nevojat më të larta në financimin e inventarëve të kapitalit qarkullues dhe të investimeve. Gjithashtu, besimi i biznesit, niveli i përgjithshëm i normave të interesit dhe perceptimi mbi situatën makroekonomike në vend, mbështetën zgjerimin e kërkesës për hua.
Rritjes së kërkesës për kredi i është përgjigjur një shkallë më e lartë e miratimit të tyre. Shkalla më e ulët e refuzimeve për hua të bizneseve në periudhën prill-qershor u mbështet nga perceptimi më i ulët i rrezikut mbi sektorin ku operojnë bizneset.
Nga ana tjetër, standardet e kreditimit për bizneset mbetën të pandryshuara në tre muajt e dytë të vitit 2024, sidomos në kreditë për financimin e investimeve dhe në ato për mbulimin e nevojave për likuiditet. Standardet u lehtësuan disi për bizneset e vogla dhe të mesme, por jo për biznesin e madh. Kostot dhe kufizimet më të ulëta nga bilanci ndikuan në këtë lehtësim, ndërsa në shtrëngimin e standardeve ndikuan faktorët lidhur me perceptimin e rrezikut, të tillë si rreziku mbi aftësinë paguese të kredimarrësit apo mbi kolateralin e kërkuar.
Kërkesa për kredi e bizneseve pritet të rritet edhe në tremujorin e tretë të vitit, si në financimin e investimeve, ashtu edhe në mbulimin e nevojave për likuiditet. Edhe në terma të madhësisë së biznesit, kërkesa për kredi pritet të jetë më e lartë, si nga bizneset e vogla dhe të mesme, ashtu edhe nga bizneset e mëdha. Ndërkohë që standardet e kreditimit parashikohet të mbeten të pandryshuara./ Scan
What's Your Reaction?
![like](https://www.albanianlive.com/assets/img/reactions/like.png)
![dislike](https://www.albanianlive.com/assets/img/reactions/dislike.png)
![love](https://www.albanianlive.com/assets/img/reactions/love.png)
![funny](https://www.albanianlive.com/assets/img/reactions/funny.png)
![angry](https://www.albanianlive.com/assets/img/reactions/angry.png)
![sad](https://www.albanianlive.com/assets/img/reactions/sad.png)
![wow](https://www.albanianlive.com/assets/img/reactions/wow.png)