Temperaturat e larta/ Shtohet numri i qytetarëve që paraqiten në spitale, mjekët: Shmangni daljen në orët e pikut
Temperaturat e larta këto ditë kanë shtuar edhe numrin e rasteve me viroza në spitalin rajonal të qytetit të Kukësit. Veç virozave, rreziku për tu helmuar nga ushqimet është edhe më i madh. Sipas shefit të urgjencës Emin Ferati, këto ditë ka pasur raste të ndryshme. “Për shkak të temperaturave të larta kemi dhe kontaminimin […]
![Temperaturat e larta/ Shtohet numri i qytetarëve që paraqiten në spitale, mjekët: Shmangni daljen në orët e pikut](https://javanews.al/wp-content/uploads/2022/06/temperaturat-e-larta.jpg)
Temperaturat e larta këto ditë kanë shtuar edhe numrin e rasteve me viroza në spitalin rajonal të qytetit të Kukësit. Veç virozave, rreziku për tu helmuar nga ushqimet është edhe më i madh. Sipas shefit të urgjencës Emin Ferati, këto ditë ka pasur raste të ndryshme.
“Për shkak të temperaturave të larta kemi dhe kontaminimin e ushqimeve me mikrobe, prandaj rekomandohet të konsumohen ushqime të freskët. Ndërkohë temperaturat e larta janë edhe një shkak për shëndetin e popullatës dhe bëjmë thirrje që të kenë kujdes që mos të ekspozohen në orët e pikut. Moshat e dyta dhe të treta mbi të gjitha ato me sëmundje kronike janë më të prekshëm”, u shpreh mjeku Emin Ferati.
Ndër të tjera, Ferati jep edhe disa këshilla se si mund ti përballojnë këto ditë me temperatura të larta, sidomos moshat e treta.
“Të konsumojnë ushqime sa më të freskëta, lëngje dhe të marrin në mënyrë sistematike mjekimin që kanë për sëmundjet kronike”, u shpreh mjeku.
Në 24 orëshin e fundit në spitalin rajonal të Kukësit janë paraqitur rreth 80 raste me simptoma të ndryshme.
What's Your Reaction?
![like](https://www.albanianlive.com/assets/img/reactions/like.png)
![dislike](https://www.albanianlive.com/assets/img/reactions/dislike.png)
![love](https://www.albanianlive.com/assets/img/reactions/love.png)
![funny](https://www.albanianlive.com/assets/img/reactions/funny.png)
![angry](https://www.albanianlive.com/assets/img/reactions/angry.png)
![sad](https://www.albanianlive.com/assets/img/reactions/sad.png)
![wow](https://www.albanianlive.com/assets/img/reactions/wow.png)