Një person nxirret nga spitali psikiatrik në Britani dhe deportohet në Shqipëri! The Guardian raporton për shkelje

Një qytetar shqiptar është nxjerrë nga spitali psikiatrik në Britani me qëllim depërtimin drejt Shqipërisë.

“The Guardian” raporton se shqiptari i cili mbahej në një spital psikiatrik në Angli u dërgua drejtpërdrejt nga spitali, në një fluturim deportimi nga Zyra e Brendshme, me qëllim largimin e tij drejt Shqipërisë.

Megjithatë Bordet e Pavarura të Monitorimit (IMB) ka ngritur një shqetësim mbi mënyrën e largimit. Në raport theksohet se dokumentet e largimit iu dorëzuan burrit në spital nga një mjek, dhe jo nga një zyrtar i Home Office.

Gjithashtu në raport theksohet se monitoruesit e IMB thanë se ishin të pasigurt nëse shqiptari e dinte se çfarë po firmoste apo jo, pasi të gjitha dokumentet ishin në anglisht dhe ata ishin të paqartë për nivelin e tij të të kuptuarit.

Kur u hoq nga njësia psikiatrike, ai u detyrua të priste në një furgon të Home Office para se të hipte në një avion për në Shqipëri. Kur monitoruesit pyetën Zyrën e Brendshme për incidentin, zyrtarët thanë se ishte në përputhje me politikat e publikuara, por nuk u angazhuan më tej me shqetësimet e ngritura.

“Ka pothuajse çdo javë fluturime çarter për dëbim drejt Shqipërisë. IMB inspektoi nëntë prej tyre dhe zbuloi se trajtimi i të larguarve nuk kishte trajtim të drejtë dhe njerëzor në të gjitha aspektet. Raporti ngriti gjithashtu shqetësime për një rritje të katërfishtë të përdorimit të kufizimeve nga katër incidente në 2022, në 16 në 2023. Disa nga të larguarit ishin klasifikuar si të pambrojtur ndërsa ishin në paraburgim dhe IMB ishte në dijeni të tre incidenteve ku të kthyerit ishin përpjekur të kryenin vetëvrasje vetëm disa orë përpara se fluturimet e tyre të niseshin dhe kjo situatë nuk e ndaloi deportimin”, thuhet në raport.

Gjithashtu u kritikua cilësia e shoferëve të autobusëve që çonin njerëzit nga qendrat e paraburgimit në aeroporte, me një të tretën e autobusëve me të cilët udhëtuan monitoruesit mendohej se ishin drejtuar në mënyrë të pasigurt. Në një rast një burrë u transferua nga një automjet në tjetrin në anë të autostradës pasi në automjetin e parë u ndje erë djegieje nga një kabull elektrik.

/Vizionplus.tv/