E pazakontë në Brazil, shkencëtarët gjejnë kokainë në trupin e peshkaqenëve

Peshkaqenët që jetojnë në zonën detare pranë Rio de Zhaneiros, metropolit brazilian ku thuhet shpesh se festa nuk ndalet, pas testeve laboratorike u zbuluan se kishin kokainë në sistemin e tyre.

Grabitqarët detarë ndoshta kanë konsumuar stimuluesin e fuqishëm ose për shkak të lëshimit të tij nga objektet e trajtimit të ujërave të zeza, ose për shkak të hedhjes në det të sasive nga laboratorët e paligjshëm që prodhojnë këtë substancë, vlerësojnë shkencëtarët në artikullin e tyre në revistën Science of The Total Environment.

Disa mund të kenë kafshuar kokainën e paketuar që trafikantët e humbën, ose e hodhën në det pranë Brazilit, vendi më i populluar i Amerikës Latine, i cili është ndër tregjet më të mëdha për drogën.

Pas testimit laboratorik të 13 mostrave të peshkaqenëve gjatë tre viteve, shkencëtarët zbuluan se të gjithë kishin gjurmë kokaine në indet e tyre të muskujve dhe mëlçisë, sipas studimit. /vizionplus.tv