Zjarret “pushtojnë” Kanadanë, digjen mbi 360 mijë hektarë

Ulja e temperaturave dhe reshjeve të shiut po shtojnë  shpresat për vënien nën kontroll të zjarrit shkatërrues që shpërtheu në fillim të kësaj jave në Kanadanë perëndimore.

“Rënia e temperaturave dhe shiu pritet të ndihmojnë zjarrfikësit të vazhdojnë të luftojnë zjarrin gjigant të sotëm që ka shkatërruar një pjesë të qytetit turistik Jasper”, thanë autoritetet.

Qyteti ndodhet në zemër të Parkut Kombëtar Jasper , më i madhi i Kanadasë, i cili njihet për malet , liqenet dhe ujëvarat e tij, të cilat tërheqin 2.5 milionë vizitorë çdo vit. 30-50% e qytetit u shkatërrua nga ky zjarr i cili ende konsiderohet “jashtë kontrollit” dhe që ka djegur tashmë më shumë se 360 ​​mijë hektarë.

“Shiu pritet të ndalojë përparimin e zjarrit për 72 orët e ardhshme”, tha agjencia, e cila menaxhon parqet kombëtare të Kanadasë dhe koordinon luftën kundër zjarreve në rajon.

Ushtria pritet të dërgojë përforcime , ndërsa 400 zjarrfikës të huaj nga Zelanda e Re , Meksika dhe Afrika e Jugut do të udhëtojnë në zonë. Nga zjarri nuk ka të vdekur apo të lënduar.

Bëjmë me dije se 25,000 banorët dhe turistët që ndodheshin në zonë u evakuuan natën e së hënës në të martë, kur zjarri u rrit në asnjë moment, duke zënë në befasi zjarrfikësit.

Zjarri u ndez nga rrufeja pasditen e së hënës, 22 korrik, sipas Parcs Canada, i cili raportoi se flakët arritën një lartësi prej më shumë se 100 metrash. Ndërkohë, erërat e forta që frynë nëpër zonë të mërkurën pasdite shkaktuan përhapjen e zjarrit 5 kilometra në më pak se 30 minuta.

Do të duhen  javë për të vënë nën kontroll zjarrin, sipas autoriteteve.