Agjësohen 530 bimë kanabis në Kavajë, arrestohet faturisti i ujit

Policia ka asgjësuar 530 bimë kanabisi që ishin kultivuar në fshatin Bardhorë, Kavajë.

“Si rezultat i kontrolleve, në fshatin Bardhorë, u gjetën të kultivuara 530 bimë narkotike cannabis sativa, të cilat u asgjësuan me anë të djegies. Nga kontrolli në terren u konstatua se bimët narkotike vaditeshin me një tub që ishte lidhur në mënyrë të paligjshme me linjën e ujit të pishëm”, njofton policia.

Si pasojë, uniformact blu kanë vënë në pranga faturistin e ujit, i cili dyshohet se ishte përfshirë në këtë veprimtari.

“Në vijim të veprimeve hetimore dhe procedurale për këtë rast, u arrestua shtetasi I. B., 61 vjeç, banues në Rrogozhinë, me detyrë faturist uji, pasi nuk ka raportuar për ndërhyrjen në tubacionet e ujit dhe dyshohet si bashkëpunëtor në kultivimin e bimëve narkotike”, thuhet më tej.

Policia po punon për identifikimin e bashkëpunëtorëve të tjerë./vizionplus.tv