Inter futet në garë për Chiesa-n, i padëshiruar tek Juventus, sulmuesi italian kërkohet nga disa ekipe
Pasi u nxor jashtë projektit të trajnerit të ri të Juventusit Tiago Mota, sulmuesi Federiko Kieza duhet të gjeje një sistemim të ri
Pasi u nxor jashtë projektit të trajnerit të ri të Juventusit Tiago Mota, sulmuesi Federiko Kieza duhet të gjeje një sistemim të ri në merkato.
Futbollisti i kombëtares italiane ka një kontratë me Juventusin deri në qershor 2025, nga e cila përfiton 5 milionë euro plus bonuse. Paga është pikërisht pengesa më e madhe për transferimin e tij në skuadra të tjera italiane.
Fillimisht Roma pati një interes të madh për anësorin e fortë ofensiv, pastaj Lazio shprehu interes konkret. Napoli ku është trajner Antonio Konte, që e pëlqen shumë sulmuesin, është ende një opsion konkret për Kiezen gjithashtu. Mirëpo në orët e fundit mediat italiane shkruajnë se Interi po kryen një sondazh mbi mundësinë për të bërë një ofertë konkrete për futbollistin.
Bardhezinjtë mund të pranojnë shitjen e lojtarit për një oferte 15-20 milionë euro duke qenë se Kiezës i ka mbetur vetëm një vit kontratë. Problem i vetëm i Interit është se duhet të lirohet nga dy sulmuesit e tjerë Korrea dhe Arnautovic, në mënyrë që të marrë shërbimet e 26-vjeçarit.
Dëshira e tij është të qëndrojë në Itali, e të luajë në Champions League dhe kjo është arsyeja përse ende klube si Chelsea dhe Tottenham nuk kanë marrë një përgjigje konkrete nga agjenti i Kiezes./vizionplus.tv
What's Your Reaction?