Netanyahu thirrje izraelitëve: Qëndroni të qetë, ne jemi gati për të sulmuar dhe për t’u mbrojtur

Kryeministri izraelit Benjamin Netanyahu u bëri thirrje qytetarëve që të qëndrojnë “të qetë”, duke i siguruar ata se Izraeli është i gatshëm të mbrohet nga çdo sulm.

Netanyahu, vizitoi bazën e rekrutimit të ushtrisë Tel Hashomer, nga ku u shfaq i bindur për atë që u referua si fitore.

“E di që qytetarët izraelitë janë në gatishmëri dhe ju kërkoj një gjë: Qëndroni të qetë. Ne jemi të përgatitur edhe për mbrojtje edhe për sulm, ne godasim armiqtë tanë dhe jemi gjithashtu të vendosur të mbrohemi”.

אנחנו ערוכים בעוצמה – בהגנה ובהתקפה.

היום הייתי עם המתגייסים החדשים שלנו בבקו״ם. אתם הגב שלנו ואנחנו מצדיעים לכם ונותנים לכם גיבוי מלא. תמיד. pic.twitter.com/KVwidh0dql

— Benjamin Netanyahu – בנימין נתניהו (@netanyahu) August 7, 2024

Nga ana tjetër, sekretari amerikan i Shtetit Anthony Blinken kërkoi për herë të parë publikisht  nga Irani dhe Izraeli që të shmangin çdo “përshkallëzim” që do të çonte në një konflikt më të gjerë të armatosur./vizionplus.tv