Telenovela Broja drejt fundit, sulmuesi duhet të zgjedhë një nga dy skuadrat e interesuara

Telenovela Armando Broja pritet të marrë fund këtë fundjavë, pasi sulmuesi shqiptar të ketë zhvilluar edhe një bisedë “kokë më kokë” me trajnerin e Chelsea, Enzo Mareska.

Mediat britanike bëjnë me dije se deri më tani, vetëm Everton dhe Wolverhampton kanë shfaqur interesim për shërbimet e sulmuesit shqiptar.

Mareska e la Brojën jashtë skuadrës miqësoren ku “blutë e Londrës” humbën 2-1 ndaj Real Madrid. Por mungesa e tij nuk erdhi si pasojë e një dëmtimi.

22-vjecari kaloi një sezon jo të mirë në aspektin personal në sezonin e shkuar, pasi edhe në gjysmën e dytë ku luajti në huazim te Fulhami nuk arriti të lërë gjurmë.

Në pesë ndeshjet miqëosre në SHBA të Chelseat, Broja luajti vetëm 72 minuta. Në qendër të sulmit përpara tij u preferua 18-vjecari Marc Guiu, i cili u aktivizua në vend të Nicolas Jackson.