Tjetër skandal në Lojërat Olimpike, mundësi egjiptian arrestohet për sulm seksual në Paris

Policia e Parisit ka arrestuar një mundës olimpik egjiptian me akuza për sulm seksual, thanë prokurorët të premten.

Atleti 26-vjeçar u arrestua në orën 5 të mëngjesit pasi dyshohet se kishte sulmuar një grua jashtë një kafeneje në zonën e Austerlitz në lagjen e 13-të të Parisit.

Prokuroria nuk e përmendi emrin e mundësit, por tha se ai kishte lindur në Egjipt dhe ishte në kryeqytetin francez për të marrë pjesë në Lojërat Olimpike.

Ndërkohë, delegacioni egjiptian konfirmoi identitetin e atletit si Mohamed Elsayed, fitues i medaljes së bronzit në Tokio 2021 në mundjen greko-romake (nën 67 kg).

Në Lojërat e Parisit, atleti u eliminua në raundin e 16-të të mërkurën kundër azerit Hasrat Jafarov.

Elsayed thuhet se ishte “plotësisht i dehur” kur u arrestua, sipas shtypit vendas. Komiteti Olimpik i vendit tha në një deklaratë të veçantë të premten se hapi një hetim për incidentin.

Nëse provohet fajtor, Elsayed mund të përballet me një ndalim të përjetshëm nga konkurrimi, thuhet në deklaratë.