300 mijë bimë kanabisi të asgjesuara, Malësitë e Shkodrës në vendin e parë për kultivimin

Rreth 300 mijë bimë kanabis janë zbuluar nga policia dhe më pas janë asgjësuar përmes djegies në kuadër të operacioneve të shtrira në disa qarqe të vendit.

Plani i opacioneve që kanë nisur që në pranverë, sezon ku nis dhe mbjellja e bimëve narkotike, është shtrirë në disa vende të cilat konsiderohen si pika të nxehta.

Rekordin për këtë vit e mban Shkodra, qark në të cilin janë gjetur thuajse 90% e shumës totale të zbuluar dhe asgjesuar deri më tani.

Gjatë këtij sezoni blutë e Shkodrës kanë ndërhyrë edhe në disa vende që kosnideroheshin si të paprekshme më pare si në zonën e Velipojës, Malësi të Madhe, Dukagjin etj, ku janë zbuluar me mijëra bimë të kultivuara.

Aksionet janë shtrirë edhe ne Vaun e Dejës, Pukë etj.

Problematike ka qënë edhe Lezha sa i takon kultivimit te lendve narkotike.Në këtë qark mësohet se janë asgjësuar afro 10 mijë bimë kanabisi.Bimet ishin kultivuar kryesisht në zonat e thella malore të Mirditës, por edhe në Kurbin e.

Edhe në Malësinë e Krujës janë zhvilluar disa operacione anti-kanabis ku janë gjetur mbi 5 mijë bimë kanabisi.

Sa i takon jugut të vendit në Vlorë dhe Tepelenë kete vit janë zbuluar shumë pak bimë narkotike.Ndërkohë që disa vite me pare këto zona janë konsideruar  me  rrezikshmeri te larte sa i takon kultivimit të droges.

Në ndihmë të policisë, krahas Guardia Di Finanza e cila ka marrë përsipër monotorimin nga ajri të pikave të nxehta, janë vendosur  edhe dronë inteligjentë, pajisje që zbulojnë praninë e bimëve narkotike përmes pamjeve nga ajri. Dronët madje arrijnë që të zbulojnë edhe shtëpitë e barit, përmes diktimit të nxehtësisë. /vizionplus.tv