Tragjedi! Digjen të gjallë 5 persona në një makinë, 7 të plagosur

Një aksident i rëndë rrugor është regjistruar në rrugën Kishinau-Balti. Pesë persona janë djegur brenda në mjet, ndërsa shtatë persona të tjerë janë transportuar në spital.

IGP bën me dije se një orë më parë, në linjën M 5, Kishinau – Balti, në afërsi të qytetit të Codreanca, ka ndodhur një aksident i rëndë rrugor ku janë përfshirë një Opel dhe një Mitsubishi.

Në vendngjarje paraprakisht u konstatua se njëra nga makinat nuk do të ishte siguruar vetë dhe duke kryer manovrën e parakalimit mbi vijën e vazhdueshme është përplasur kokë më kokë me makinën që lëvizte në drejtim të kundërt.

Pas përplasjes, të dy automjetet kanë shpërthyer në flake. 5 persona janë gjetur të djegur dhe 7 persona të tjerë, mes të cilëve edhe të mitur, janë transportuar në spital.

Në vendngjarje ndodhen të gjitha shërbimet përgjegjëse për ndërhyrjen dhe zbardhjen e të gjitha rrethanave./Tvr Moldova/