SHBA: Po punojmë për të ulur gjakrat në Lindjen e Mesme

Shtetet e Bashkuara po synojnë të ulin gjakrat në Lindjen e Mesme. Kështu deklaroi ambasadorja e vendit në OKB, ndërsa frika e një sulmi hakmarrës iranian ndaj Izraelit po afrohet.

Të martën, Linda Thomas-Greenfield i tha Këshillit të Sigurimit të OKB-së në Nju Jork se SHBA-të donin të ndalonin dhe të mbroheshin kundër çdo sulmi të ardhshëm dhe të shmangnin konfliktin rajonal.

Ekziston frika se Irani mund të hakmerret kundër Izraelit pas vrasjes në korrik të liderit të Hamasit Ismail Haniyeh në Teheran, akt për të cilin Izraeli nuk e ka marrë ende autorësinë.

Presidenti amerikan Joe Biden sugjeroi se arritja e një marrëveshjeje armëpushimi midis Izraelit dhe Hamasit në Gaza mund të ndihmojë në pengimin e Iranit nga nisja e një sulmi ndaj Izraelit.

Por një zyrtar i Hamasit në Liban, Ahmad Abdul Hadi, tha se Hamasi nuk do të marrë pjesë në bisedime.

Nga ana tjetër, sekretari amerikan i Shtetit Antony Blinken shtyu planet për të udhëtuar në Lindjen e Mesme të martën për të marrë pjesë në negociatat mbi një marrëveshje armëpushimi në Gaza./vizionplus.tv