Gazetari i njohur shqiptar del me bluzën e Serbisë në intervistë, “shpërthen” rrjeti! Detyrohet të reagojë: E kisha dhuratë nga…

Gazetari i sportit i Radio Televizionit Shqiptar, Ervin Baku, duket se ka zgjuar ndenjat kombëtare në rrjetet sociale, pasi në një lidhje në Euronews, është shfaqur i veshur me një fanellë të Serbisë përgjatë transmetimit live.

Ky akt ka ngjallur reagime të shumta me ndjenja patriotike duke komentuar veprimin e gazetarit.

Por nga ana tjetër, gazetari i RTSH-së, Ervin Baku tregon arsyet pse u paraqit në lidhje direkte me fanellën e Serbisë

Baku e ka arsyetuar veprimin e tij duke thënë se këtë paraqitje nuk e ka bërë me ndonjë qëllim.

Në emisionin “Rreth e Rrotull” ai ka kërkuar falje për këtë veprim të tij duke thënë se sportin e ndan nga politika.

“Unë jam njeri i sportit, është fanellë që e vesha pasi ishte dhuratë nga trajneri i volejbollit të femrave të Serbisë që zhvilloi kampionati balllkanik në Tiranë muajin e kaluar.

S’kisha as një paramendim dhe prapamendim, unë patriotizmin tim e kam vërtetuar shumë herë, e kam quar flamurin të Shqipërisë në Beograd dhe në Strumica të Maqedonisë.

“Çështjen çame” në Parlamentin Evropian e kam ngritur unë për herë të parë në vitin 2006 në Strasburg”, ka deklaruar Baku.

Sipas Bakut, sporti është paqe e jo luftë.

“Sporti është paqe, nuk është luftë. Serbia duhet të kërkojë falje Kosovës për krimet cnjerëzore… Nuk e bëj për të dukur, ka qenë thjesht sport, ka qenë një fanellë sporti.

E ndaj sportin nga politika. Unë i kërkoj ndjesë cdonjërit dhe cdonjërës, nuk kam bërë asgjë me qëllim. Ka qenë në kuadrin e sportit. Për mua sporti bashkon dhe ndërton ura”, ka vijuar ai.

Baku ka nxitur reagime të shumta, pas një paraqitje të tij në një lidhje direkte në Euronwes Albania, i veshur me fanellën e Serbisë.

Menjëherë pas inkuadrimit në lidhje direkte, gazetari Thimi Samarxhiu e pyeti nëse kjo është një provokim, por ai mohoi të jetë një gjë e tillë.

“Baku, provokim apo jo bluza që ke veshur”, ishte pyetja drejtuar nga Samarxhiu?

Gazetari i sportit Baku u mundua të arsyetojë këtë veprim, duke thënë se ai është një njeri që përpiqet të ndërtojë ura e jo të prishë ura.