Aksident tragjik në Greqi, një i vdekur dhe 4 të plagosur! Humb jetën 55-vjeçari nga Maqedonia e Veriut

Një 55-vjeçar nga Maqedonia e Veriut ka humbur jetën pas një përplasjeje mes dy makinave, pasditen e së dielës (25 gusht) në kilometrin e 28 të rrugës Selanik-Petritsi.

Makina që drejtohej nga 55-vjeçari u përplas kokë më kokë pak para orës 17:00 me një makinë tjetër që drejtohej nga një grua 44-vjeçare.

Në vendngjarje shkuan forca të shumta të policisë dhe zjarrfikësve, të cilët bënë të mundur nxjerrjen e trupit të 55-vjeçarit. Ai u dërgua me urgjencë në spitalin e Selanikut ku u konstatua i vdekur.

Drejtuesja 44-vjeçare e makinës tjetër është transportuar dhe po trajtohet në spitalin e Kilkisit.

Në makinën që drejtonte gruaja ndodhej edhe një 38-vjeçar dhe dy vajza, secila nga 3 vjeç. 38-vjeçari dhe fëmijët janë transportuar dhe po trajtohen në spitalin Georgios Gennimatas në Selanik.

Nuk dihen ende shkaqet e aksidentit dhe hetimet paraprake po kryhen nga Policia Rrugore e Kilkisit.