Do të luajnë ndaj Bayern dhe Manchester City në Champions League, trajneri i PSG: Jemi ekipi më pak i favorizuar nga shorti

Trajneri i Paris Saint-Germain (PSG) Luis Enrique Martinez tha të shtunën se nuk ka nuk ka dyshim se ai do të dëshironte të vazhdonte në krye të skuadrës pariziene, por ai shtoi se ka më shumë palë se ai dhe se do ta tregojë e ardhmja.

“Nuk ka dyshim se do të më pëlqente të vazhdoja, por ka më shumë se një palë dhe e ardhmja do ta tregojë”, tha trajneri spanjoll në një konferencë për shtyp para ndeshjes së ligës që PSG do të luajë të dielën jashtë Lille.

Përveç pyetjeve për të ardhmen, pjesa më e madhe e konferencës për shtyp u fokusua në shortin e fundit për Ligën e Kampionëve dhe formatin e ri të saj.

Luis Enrique, ashtu si presidenti i klubit, Katari Nasser Al-Khelaïfi, kishte folur  tashmë të enjten, duke konsideruar se PSG kishte qenë skuadra me shortin më të vështirë.

“Është një garë për të eksperimentuar, por është e qartë se ne ishim më pak të favorizuarit në short”, ka reflektuar ai.

PSG do të përballet jashtë fushe me Bayern, Salzburg, Arsenal dhe Stuttgart dhe në shtëpi do të luajë ndaj Manchester City, Atletico Madrid, Girona dhe PSV.

/a.r