Merr fund ecuria historike e Bayer Leverkursen në Bundesligë, Leipzig i shkakton humbjen e parë pas më shumë se një viti

Bayer Leverkusen kishte luajtur me zjarr shumë herë në sezonin e tyre historik të kaluar dhe në fillim të këtij, por sot përfunduan duke u mundur në Bay Arena kundër Leipzig (2-3). Këtë herë nuk kishte asnjë mrekulli për të shmangur në ekstrem, si në shumë raste të tjera, një humbje tashmë historike, e para për kampionët e Gjermanisë, të drejtuar nga Xabi Alonso, që nga maji 2023 pas 35 ndeshjeve të pamposhtur në Bundesligë.

Fillimi i Leverkusen ishte i mirë. Me Jonathan Tah si kapiten pasi dështoi të ndërronte skuadrën në afatin kalimtar të verës, lojtarët e Xabi Alonso patën shanse të mira për të hapur rezultatin, duke përfshirë një goditje me kokë nga Martin Terrier që goditi traversën. Në këtë ndeshje ishte titullar edhe Granit Xhaka.

Si në shumë raste të tjera, Leverkusen e gjeti veten në disavantazh dhe u përpoq të shmangte humbjen në ekstrem. Këtë herë nuk pati ndonjë mrekulli, por tifozët përfunduan duke i parë lojtarët e tyre me duartrokitje në mirënjohje të ecurisë së tyre historike. Leipzig, me dy fitore në dy ndeshje, tani është në krye të tabelës. /vizionplus.tv