FOTO / Grindja mes fëmijëve shkaktoi dy viktima në Roskovec, ja momenti i shoqërimit të autorit

Dy viktima është bilanci i një krimi për motive të dobëta që ndodhi mesditën e sotme në fshatin Kurjan të Roskovecit. Altin Kuka i mori jetën xhaxha dhe nip, të identifikuar si Lavdimir dhe Gramos Kurti në ambientet e një lokali në pronësi të viktimave.

Raportohet se shkaku që ka shtyrë 49-vjeçarin të marrë armën automatike dhe të qëllojë mbi ta është bërë një grindje mes fëmijëve të tyre, që është regjistruar mbrëmjen e djeshme.

Sakaq në momentin që ka ndodhur ngjarja dy viktimat kanë qenë në lokalin në qendër të fshatit, që e kanë pronë të tyre.

Ndërkohë, mediat kanë arritur të sigurojnë edhe pamjet nga momenti kur autori i ngjarjes shoqërohet nga disa efektivë të repartit “Shqiponja” për në Komisariatin e Fierit.

/a.r