Do kalonin ilegalisht nga Franca për në Angli, përmbyset varka me emigrantë në Kanalin e La Manshit

Një varkë me emigrantë është përmbysur mbrëmjen e të shtunës në Kanalin e La Manshit, teksa kanë qenë duke kaluar ilegalisht kufirin nga Franca për në Angli.

Sipas të dhënave nga zyrtarët francezë, disa persona kanë humbur jetën, shkruan BBC. 

“Disa emigrantë humbën jetën,” tha prefektura Pas-de-Calais për agjencinë e lajmeve AFP, pa specifikuar numrin e viktimave apo edhe origjinën e tyre.

Incidenti vjen më shumë se një javë pasi 12 persona, përfshirë gjashtë fëmijë dhe një grua shtatzënë, vdiqën kur një varkë me dhjetëra emigrantë u mbyt në brigjet franceze./vizionplus.tv