Ishte nisur nga Italia për në Francë, zhduket avioni me 3 pasagjerë

Një aeroplan i vogël me tre francezë është zhdukur që nga mëngjesi i së martës në Italinë veri-qendrore, tha sot shërbimi i shpëtimit malor Emilia-Romagna, i cili është përgjegjës për kërkimin.

Avioni ishte nisur nga aeroporti Paolucci, afër Modenës, dhe po shkonte për në Francë, tha shërbimi në faqen e tij të internetit.

Kërkimet për të filluan të martën mbrëma dhe po përfshijnë avionë dhe njësi të këmbësorëve të Forcave Ajrore. Ato janë të përqendruara ekskluzivisht në provincën e Parmës, në një distancë prej 50 kilometrash nga aeroporti Paolucci.

“Fatkeqësisht, kushtet e motit, me shi, erë të fortë dhe shikueshmëri të dobët, i bëjnë kërkimet veçanërisht të vështira dhe përjashtojnë përdorimin e helikopterëve për momentin”, shpjegoi shërbimi i shpëtimit malor. /vizionplus.tv