Sulm me armë në Alabama, të paktën katër të vrarë dhe dhjetëra të plagosur

Të paktën katër persona kanë mbetur të vrarë dhe dhjetëra të tjerë janë plagosur pas një sulmi me armë në Birmingham, Alabama.

“Breshëri të shtënash u qëlluan mbi një grup njerëzish në zonën “Five Points South”, të qytetit”, deklaroi policia në vend.

Oficerët gjetën trupat e dy burrave dhe një gruaje në vendin e ngjarjes dhe një person i katërt nuk u mbijetoi dot plagëve edhe pse ishte transportuar në spital.

Detektivët po hetojnë nëse personat e armatosur iu afruan viktimave apo kaluan me makinë, shtoi policia. Deri më tani, për ngjarjen nuk ka të arrestuar.