​Zelensky: Sulmet në territorin e armikut e kthejnë luftën në shtëpi në Rusi

Presidenti ukrainas, Volodymyr Zelensky, gjatë fjalës së tij në fjalimin lidhur me aksionin e fundit të forcave ukrainase për bombardimin brenda territorit rus, u shpreh se sulmet në territorin e armikut e kthejnë luftën në shtëpi në Rusi

“Sulmet në territorin e armikut ndryshojnë rrënjësisht situatën dhe e kthejnë luftën në shtëpi në Rusi. Këto ishin depo të raketave taktike ruse dhe bombave ajrore të drejtuara – të gjitha gjërat që Rusia përdor për të terrorizuar qytetet tona, pozicionet tona. Dhe dua të theksoj se ne po e bëjmë këtë falë aftësive tona, armëve tona – pa mjetet që mund të ofrohet nga partnerët tanë dhe kjo mund të përshpejtojë ndjeshëm përfundimin e kësaj lufte duke shkatërruar potencialin sulmues të Rusisë”, tha ai.

Zelenksi informoi se një depo tjetër armësh në Rusi ishte dëmtuar dhe ishte një objekt i rëndësishëm municioni për trupat ruse. Ai falënderoi të gjithë ushtarët e Forcave të Mbrojtjes dhe Sigurisë të Ukrainës, të gjithë ata që janë përfshirë në operacion.

Më 21 shtator, dronët modernë urkainas goditën infrastrukturën e një aeroportit ushtarak në rajonin Kaluga të Rusisë. Në këtë aeroport ndodheshin bombarduesit strategjikë rusë, që cilësohen si armët me të rrezikshme të ushtrisë së Moskës.

Presidenti Ukrainës tha se sulmet ndaj objektivave ushtarake ruse do të vijojnë edhe në ditët në vijim. Nga ana tjetër Zelenski tha se vendet partnere të Ukrainës duhet të mbajnë premtimin për të dërguar armë moderne.