Francë, kryeministri i ri hap rrugën për rritjen e taksave për të pasurit

Kryeministri francez Michel Barnier hapi rrugën për rritjen e taksave për korporatat e pasura dhe të mëdha për të mbyllur hendekun në financat publike. Ai gjithashtu theksoi se do të mbrojë shtresat e ulëta dhe të mesme.

Zyra e Presidentit Emmanuel Macron “zbuloi” një qeveri të re me prirje të djathtë në fundjavë, e cila shpreson të thyejë ngërçin politik që pasoi zgjedhjet e parakohshme në verë. Detyra e saj më urgjente do të jetë miratimi i buxhetit të vitit 2025 ndërsa Franca lufton për të frenuar deficitin buxhetor.

“Unë nuk do të rris më tej taksat për francezët, as për punëtorët, as për shtresat e mesme. Por unë nuk mund të përjashtoj më të pasurit nga përpjekjet kombëtare për të korrigjuar situatën”, tha Barnier, siç raportohet nga kanali televiziv France 2.

Borxhi i Francës është 110% e PBB-së

Borxhi total i Francës arrin në 110% të PBB-së ose afër 3.2 trilionë euro. Të ardhurat tatimore më të dobëta se sa pritej dhe shpenzimet më të larta pritet të shtyjnë deficitin buxhetor të sektorit publik në 6.2 për qind të prodhimit ekonomik vitin e ardhshëm, nëse nuk bëhet asgjë për ta përmirësuar atë.

Parisi po shkel rregullat e deficitit të Bashkimit Evropian dhe agjencitë e vlerësimit të kredisë po monitorojnë nga afër testet që merr Franca./vizionplus.tv