Prag tragjedie në Egje, shpëtohen 16 emigrantë, arrestohet trafikanti 17-vjeçar

Autoritetet greke kanë konstatuar një varkë që lëvizte me shpejtësi në ujërat e ishullit Samos. Pasi i janë vënë nga pas kanë zbuluar se bëhet fjalë për një tjetër rast të trasportit të paligjshëm të emigrantëve, ndonëse vetëm disa ditë më parë një tragjedi me 4 viktima u regjistrua në po të njëjtin ishull.

Sapo kanë pikasur autoritetet, tre nga emigrantët janë hedhur në det, por fatmirësisht kanë dalë në breg.

Autoritetet greke pohuan se në varkë ndodheshin 16 emigrantë, të cilët gëzojnë shëndet të plotë.

Më tej, në pranga u vu një 17-vjeçar, i cili ishte trafikanti që shoqëronte emigrantët./vizionplus.tv