Libani bën thirrje për armëpushim të menjëhershëm: Po na kërcënohet ekzistenca

Izraeli nuk ka rënë në konsensus për armëpushim, duke bërë që lufta e përgjakshme të vijojë ende në Liban.

Duke refuzuar thirrjet për de-përshkallëzimin, Izraeli thotë se do të vazhdojë të synojë Hezbollahun në një ofensivë që tashmë ka vrarë qindra në të gjithë Libanin dhe ka detyruar dhjetëra mijëra të largohen nga shtëpitë e tyre.

Mes presionit në rritje, tejmbushjes së spitaleve dhe një numri në rritje të banorëve të zhvendosur, autoritetet libaneze po bëjnë apel për një armëpushim të menjëhershëm.

Në OKB, ministri i jashtëm, Abdallah Bou Habib, tha se vendi i tij po përballon një krizë që kërcënon vetë ekzistencën e tij dhe se ishte urgjente ta ndalonte atë përpara se të bëhej e pamundur të frenohej.

Hezbollahu ka treguar gjithashtu se nuk është i gatshëm të tërhiqet dhe vazhdon të lëshojë raketa në drejtim të Izraelit.

Gjatë natës, ushtria izraelite tha se kishte kapur një raketë që ishte lëshuar nga Houthis në Jemen. Ashtu si Hezbollahu, ata janë gjithashtu të mbështetur nga Irani./vizionplus.tv