“Plani i fitores”, Trump konfirmon takimin me Zelenskyn

Kandidati republikan për president të SHBA-së, Donald Trump do të zhvillojë një takim mepPresidentin ukrainas, Volodymyr Zelensky.

Trump dhe Zelensky do të takohen në Nju Jork të premten në mëngjes, në “Trump Tower”.

Në një konferencë për shtyp, Trump shprehu besimin se ai mund të arrijë një marrëveshje me liderin rus, Vladimir Putin dhe presidentin ukrainas.

“Unë besoj se do të jem në gjendje të bëj një marrëveshje midis Putinit dhe Zelenskyt shumë shpejt. Nuk dua t’ju them se si duket”, tha Trump.

Ai shtoi se strategjia e tij “nuk ka të bëjë me një dorëzim” dhe ka si qëllim të shpëtojë jetë.

Ky takim vjen një ditë pasi Trump shprehu kritikat e tij ndaj Zelensky, duke thënë se çdo marrëveshje për t’i dhënë fund luftës, është më e mirë se situata aktuale në Ukrainë./vizionplus.tv