Ballack lidhet me mikeshën e ngushtë të djalit, që i vdiq në aksident. Modelja është 25 vjeçe më e re

Ish-mesfushori i Chelsea dhe Bayern Munich, ndër të tjera, Michael Ballack, është bërë sërish krye titull mediatik. Pas humbjes tragjike të djalit të tij, Emilio, Ballack tani ka ndezur polemika për jetën e re, duke u lidhur me mikeshën e ngushtë të të birit të ndjerë.

Ish-futbollisti i shquar gjerman, i cili së fundi ka mbushur 48 vjeç, ka konfirmuar lidhjen me një modele 23-vjeçare të quajtur Sophia Schneiderhan. Sophia dihej se kishte një miqësi të ngushtë me Emilio, djalin e ndjerë të Ballack.

Megjithatë, ajo tani është shfaqur si një burim ngushëllimi për babain e pikëlluar, duke e ndihmuar të kapërcejë pasojat e vështira të vdekjes së parakohshme të djalit të tij në një aksident me motor në Portugali, gjatë pushimeve të familjes.

Sipas raportimeve, lajmet për lidhjen e Ballack dhe Schneiderhan u shfaqën për herë të parë në janar të këtij viti, pasi modelja postoi një foto me ish-futbollistin në faqen e saj në Instagram. Që atëherë, dyshja kuptohet se ka avancuar në lidhjen romantike.

Së fundi, Sophia ka shpërndarë në rrjetet sociale një foto të përzemërt të çiftit, teksa po pushon në Sylt, duke kapur një moment butësie mes saj dhe heroit të “Stamford Bridge”.

Miqtë e afërt të Ballack kanë vënë në dukje se diferenca 25-vjeçare e çiftit nuk e ka penguar lidhjen e tyre, përkundrazi, duket se ka nxitur një mjedis pozitiv për kapërcimin e zisë së madhe për vdekjen aksidentale të Emilio.

Sophia Schneiderhan është një modele e lindur në Mynih. Bukuroshja gjermane ka krijuar një karrierë të suksesshme në modeling, që kur u zbulua në moshën 13-vjeçare. Sipas disa raporteve, fillimi i saj i hershëm në industrinë e modës u shënjua nga fushata për markat e profilit të lartë si “Escada”.

Thuhet gjithashtu se Sophia flet rrjedhshëm frëngjisht dhe është e arsimuar mirë. Ajo aktualisht krenohet me mbi 126.000 ndjekës në faqen e saj në Instagram, ku ndan në mënyrë aktive pamjet e jetës së saj me Ballack.

/a.r