Përmbytjet dhe rrëshqitjet e tokës në Nepal, rritet numri i viktimave

66 persona kanë humbur jetën në Nepal dhe 69 rezultojnë të zhdukur që nga mëngjesi i ditës së kaluar, pasi pasi reshjet e vazhdueshme shkaktuan përmbytje dhe rrëshqitje të tokës.

Reshjet e shiut kanë rënë që nga mbrëmja e së premtes dhe pritet të vazhdojnë edhe gjatë fundjavës.

Zëdhënësi i Ministrisë së Brendshme, Rishiram Tiëari, u tha gazetarëve se 66 persona raportohen të vdekur në të gjithë vendin, nga të cilët 34 ishin në kryeqytet, Katmandu.

60 persona u plagosën dhe 3,010 u shpëtuan në të gjithë vendin Himalayan, shtoi ai, teksa tha se të gjitha divizionet e forcave të sigurisë në vend, përfshirë ushtrinë, janë urdhëruar të ndihmojnë në përpjekjet e shpëtimit.

Disa rrugë janë bllokuar nga rrëshqitjet e dheut të shkaktuara nga reshjet. Tre autostrada, duke përfshirë autostradën kryesore Prithvi, që lidh Katmandu me pjesën tjetër të vendit, janë bllokuar nga rrëshqitjet e dheut dhe pajisje të rënda janë duke u përdorur në përpjekje për të hapur rrugët, tha Tiëari.

Qeveria kishte lëshuar paralajmërime për përmbytje në të gjithë vendin duke paralajmëruar për reshje masive.