FOTO/ Martohet vajza e vetme e Schumacher, ceremonia përrallore në vilën luksoze të familjes
Gina Schumacher , vajza e ish-kampionit të botës në F1, Michael Schumacher , u martua me të dashurin e saj Iain Bethke në
Gina Schumacher , vajza e ish-kampionit të botës në F1, Michael Schumacher , u martua me të dashurin e saj Iain Bethke në një ceremoni spektakolare të mbajtur në vilën e familjes në Majorca.
Çifti shkëmbyen betimet të shtunën pasdite në rezidencën luksoze të nënës së Gina, Corina Schumacher, e fituar në vitin 2017 nga presidenti i Real Madridit, Florentino Perez.
Ceremonia e martesës zgjati rreth 30 minuta, sipas medias lokale Ultima Hora. Kjo u pasua nga darka dhe një festë me muzikë live country, duke krijuar një atmosferë unike për mysafirët në pasurinë në Port d’Andratx.
Të sapomartuarit kanë qenë së bashku për gati shtatë vjet, pasi kanë bërë publike lidhjen e tyre duke dalë në një ceremoni çmimesh së bashku në Mynih në dhjetor 2017.
Në mesin e të ftuarve ishte vëllai i Michael Schumacher, Ralf Schumacher, i cili është gjithashtu një ish-pilot i Formula 1.
Legjenda e F1, Michael Schumacher do të hyjë në histori si një nga pilotët më të mëdhenj të garave të të gjitha kohërave. Por jeta e Schumacher ndryshoi në mënyrë dramatike kur ai pësoi një aksident të tmerrshëm në ski më 29 dhjetor 2013.
Shtatë herë kampioni i botës ka qenë jashtë syve të publikut që atëherë dhe gjendja e tij shëndetësore është mbajtur private, me familjen e tij që ka dhënë informacione të rralla. /vizionplus.tv
What's Your Reaction?
