Lançohet sateliti testues i ripërdorshëm dhe kthyeshëm “Shijian -19”

Kina dërgoi në hapësirë satelitin e saj të parë testues të ripërdorshëm dhe të kthyeshëm, Shijian-19, duke përdorur një raketë “Long March-2D” për nisjen, shkruan “Xinhua”.

Raketa u lançua nga Qendra e Nisjes Satelitore Jiuquan në Kinën veriperëndimore.

Sateliti Shijian-19 ka realizuar një sërë përparimesh teknologjike dhe synon të rrisë ndjeshëm nivelin teknik dhe efikasitetin e aplikimit të satelitëve të kthyeshëm të Kinës.

Studiuesit do ta përdorin satelitin për të kryer eksperimente hapësinore dhe për të promovuar zhvillimin dhe aplikimin e teknologjive të reja hapësinore, duke kontribuar në fusha të tilla si shkenca e mikrogravitetit dhe shkenca e jetës në hapësirë.

Sateliti do të kryejë gjithashtu eksperimente të eksplorimit të hapësirës për të përshpejtuar inovacionin e burimeve të mikroplazmës.

Shijian-19 po transporton ngarkesa nga pesë vende, përfshirë Tajlandën dhe Pakistanin, për të kryer një bashkëpunim të gjerë ndërkombëtar.

Ky është misioni i 537-të i fluturimit i raketave të serisë “Long March”.