Aksident në aksin Berat-Lushnjë, tre të lënduar

Një aksident është regjistruar mëngjesin e kësaj të hëne në aksin rrugor “Berat-Lushnjë”. Një 58-vjeçar, duke drejtuar automjetin është përfshirë në një aksident me një tjetër automjet me drejtues shtetasin M. R., 32 vjeç.

“Rreth orës 05:00, në aksin rrugor “Berat-Lushnjë”, shtetasi V. C., 58 vjeç, duke drejtuar automjetin është përfshirë në një aksident me një automjet me drejtues shtetasin M. R., 32 vjeç”, njofton policia.

Si pasojë e aksidentit janë dëmtuar 2 drejtuesit e automjeteve, dhe 1 pasagjere, të cilët ndodhen në spital për ndihmë mjeksore. Gjendja e tyre raportohet jashtë rrezikut për jetën./vizionplus.tv