Izraeli sulmon sërish në Liban, synon kreun e lëvizjes palestineze Fatah
Një sulm izraelit në Liban të martën herët në mëngjes kishte në shënjestër Munir Makda, komandantin e degës libaneze të krahut ushtarak të
Një sulm izraelit në Liban të martën herët në mëngjes kishte në shënjestër Munir Makda, komandantin e degës libaneze të krahut ushtarak të lëvizjes palestineze Fatah, Brigadës së Martirëve Al-Aksa, sipas dy zyrtarëve palestinezë të sigurisë.
Deri më tani nuk ka asnjë informacion për fatin e tij, raporton Reuters.
Sulmi goditi një ndërtesë në kampin e mbushur me refugjatë palestinezë të Ain al-Hilweh pranë qytetit jugor të Sidonit, thanë burimet.
Kjo shënon sulmin e parë në kamp, i cili është më i madhi nga disa kampe palestineze në Liban që nga shpërthimi i luftës ndërkufitare midis Hezbollahut dhe Izraelit gati një vit më parë.
Fatah është lëvizja kryesore nacionaliste palestineze e themeluar në vitin 1965 nga lideri i ndjerë Yasser Arafat. Është një parti laike dhe më e madhja nga fraksionet e ndryshme që përbëjnë Organizatën për Çlirimin e Palestinës. Hamasi nuk është në këtë lëvizje. /vizionplus.tv
What's Your Reaction?