“Iron Dome” sërish e suksesshme/ Irani njofton se ka goditur 80% të objektivave, Izraeli:Nuk kemi asnjë viktimë!

Televizioni shtetëror iranian ka pohuar se 80% e rreth 200 raketave të lëshuara në Izrael goditën objektivat e tyre sonte.

Megjithatë, Forcat e Mbrojtjes izraelite kanë thënë se “nuk janë në dijeni” për ndonjë lëndim nga sulmi, i cili u nis në orët e fundit.

Për më tepër, një zëdhënës i Magen David Adom – shërbimi i reagimit emergjent të Izraelit – tha se nuk kishte “raportime për të lënduar nga sulmi në drejtim të Izraelit”.

Kjo me përjashtim të “dy lëndimeve të lehta në zonën e Tel Avivit dhe disa lëndimeve të lehta në mbarë vendin gjatë lëvizjes në hapësira të sigurta, si dhe rastet e ankthit”.

Mbrojtja ajrore izraelite – e ashtuquajtura “Iron Dome” – raportohet se ka ndaluar një numër të raketave balistike.

Burime nga ushtria siriane kanë thënë se mbrojtja ajrore izraelite ka rrëzuar gjithashtu dhjetëra raketa që fluturuan mbi Sirinë jugore.