Izraeli sulmon qendrën mjekësore në Bejrut, vriten 8 persona, plagosen 7 të tjerë

Të paktën tetë persona janë vrarë nga sulmet izraelite në qendrën mjekësore në Bejrut, ndërsa shtatë të tjerë mbetën të plagosur.

Qendra mjekësore i përkiste Organizatës Islamike të Shëndetit të lidhur me Hezbollahun. Është hera e dytë që Bejruti Qendror vihet në shënjestër që kur Izraeli filloi fushatën e bombardimeve disa javë më parë. Zona është shtëpia e parlamentit libanez dhe selisë rajonale të OKB-së. Është krim lufte të synosh punonjësit e shëndetësisë.

Distrikti jugor i Dahiyeh, ku javë e kaluar u vra lideri i Hezbollahut, Hassan Nasrallah, gjithashtu është shënjestruar vazhdimisht.

Sulmet vijnë pasi Hezbollahu dhe Izraeli u përleshën në Libanin jugor, me Izraelin që konfirmoi vdekjen e tetë ushtarëve, ndërsa vazhdonte pushtimin e tij tokësor.

Irani ndërkohë po përgatitet për sulme të mundshme izraelite në objektet e tij bërthamore pas breshërisë së paprecedentë me raketa mbi Izraelin pas sulmit vdekjeprurës ndaj liderit të Hezbollahut.

Presidenti i SHBA-së, Joe Biden, ka thënë se Uashingtoni nuk do ta mbështeste një sulm të tillë ndaj Iranit.

/a.r