Këto janë infrastrukturat më kritike të Iranit, ku pritet të godasë Izraeli

Premtimi i Izraelit për t’u hakmarrë kundër Iranit, pas një sulm masiv raketor nga ky i fundit, ka “kthyer sytë” te furnizimet me naftë të Gjirit. Tregjet janë në “alarm”, teksa duhet të marrin masa për çdo skenar.

Izraeli ka njoftuar tashmë se ka sulmuar 200 objektiva të Hezbollahut në Liban, ndërsa ka goditur edhe një objektiv rus në territorin sirian.

Çmimet e naftës së papërpunuar në Londër janë rritur me rreth 4.5% gjatë tre ditëve të fundit. Deri më tani, tregu ka qenë kryesisht i pandikuar nga përshkallëzimi i tensioneve në rajon, pasi dërgesat e fuçive natyrore të naftës nuk janë ndërprerë. Çdo ndërprerje e furnizimeve nga rajoni do ta çonte çmimin e naftës shumë lartë, gjë e cik përbën një rrezik të madh edhe për SHBA-në në prag të zgjedhjeve.

Ndërsa është e paqartë se si Izraeli do t’i përgjigjet Iranit, disa skenarë potencialisht variojnë nga goditja e objektivave ushtarake deri te objektet e naftës dhe madje edhe objektet bërthamore. Vendi i Gjirit Persik është prodhuesi i tretë më i madh i naftës në OPEC. Furnizimet e naftës së papërpunuar që arrijnë në rreth një të pestën e kërkesës globale dhe një sasi e madhe e gazit natyror të lëngshëm kalojnë përmes ngushticës së Hormuzit përgjatë bregdetit iranian. Arabia Saudite, Iraku, Emiratet e Bashkuara Arabe, Kuvajti dhe Katari të gjitha transportohen përmes rrugës kryesore ujore.

Irani tha se breshëria e tij e fundit e raketave ishte në përgjigje të sulmeve të Izraelit ndaj grupit të tij më të rëndësishëm militant, Hezbollahut, dhe vrasjes së liderit të tij, Hassan Nasrallah.

Më poshtë është një hartë që tregon objektet kryesore energjetike të Iranit , duke përfshirë fushat e naftës dhe gazit, tubacionet, rafineritë dhe terminalet e magazinimit: