Ilir Proda prezantohet si kreu i Policisë së Shtetit, nis “furtuna” nëpër qarqe

Ministri i Brendshëm, Ervin Hoxha ka prezantuar Drejtorin e ri të Policisë së Shtetit, Ilir Prodën.

“Kaluam sot stafetën e drejtimit të Policisë së Shtetit tek Ilir Proda, një oficer karriere, i cili ka gjithë mbështetjen e Qeverisë, timen si Ministër i Brendshëm dhe gjithë strukturave për t’i çuar para arritjet e deritanishme të trupës me uniformë, duke prodhuar më shumë siguri për qytetarët tanë”, u shpreh Hoxha.

“Nga sot prej Policisë së Shtetit presim qëndrueshmërinë e rezultateve por sidomos rritjen sa më të shpejtë të cilësisë së shërbimit. Procesi i reformave do të zhvillohet duke marrë parasysh rezultatet e gjithesecilit”, tha Hoxha.

MInistri Hoxha bëri me dije se ceremonia e betimit të Ilir Prodës do bëhet kur të zgjidhen edhe drejtuesit e 12 qarqeve. /vizionplus.tv